Über uns

Herzlich Willkomma im No. 46!

Miar, d‘ Anna und d‘ Sara, wohnend zemma innera typischa Studenta-WG. Beidi vu üs studierend Multimedia Production an dr Fachhochschual Graubünda. Für ds Modul „Konvergent Produzieren“ döfend miar Content für Digezz.ch macha.

Scho sit am Izug ins No. 46 hend miar d Idee für de Podcast kah. In üserem Podcast reden miar über ds WG-Leba und ds Wohna im Allgemeina. Ds Ämtli und ds Menü vur Wucha dörfen in keinera Folg fähla. Nebst üserna Stimma khörender immer wieder Gäst wo über ihri Wohnerfahriga reden. Seg das öpert wo allei wohnt oder innera richtig grossa WG.

Danka fürs Zualosa und hoffentlich bis bald!

Copyright © 2021 | My Music Band Child by No. 46